.

داعش اور ایران کے خلاف عراق کی وحدت ضروری ہے: امریکا

پہلی اشاعت: آخری اپ ڈیٹ:

امریکی حکومت نے عراق کے صوبہ کردستان میں خود مختار کرد ریاست کے قیام کے لئے کرائے گئے ریفرنڈم پر اپنے رد عمل میں کہا ہے کہ واشنگٹن داعش کو شکست دینے اور عراق کی سرگرمیوں کی روک تھام کے لیے عراق کی وحدت کو ضروری سمجھتا ہے۔ توقع ہے کہ کرد قیادت علاحدگی کی کوششوں کے بجائے داعش کے خلاف جنگ اور ایران کے بڑھتے اثرو نفوذ کی روک تھام کے لیے اپنا کردار ادا کرے گی۔

ادھر اقوام متحدہ کے سیکرٹری جنرل انتونیو گوٹیریس نے سوموار کے روز ایک بیان میں کہا کہ انہیں کردستان میں علاحدگی کے ریفرنڈم پر گہری تشویش ہے کیونکہ اس اقدام سے خطے میں امن وامان تباہ اور عدم استحکام پیدا ہوسکتا ہے۔

انہوں نے کرد قیادت اور بغداد حکومت پر مذاکرات کی ضرورت پر زور دیا اور کہا فریقین باہمی اختلافات بات چیت کے ذریعے حل کریں۔ یو این سیکرٹری جنرل نے عراق کی وحدت اور خود مختاری کو یقینی بنانے کی حمایت کی۔