شام: روس کی جانب سے دریائے فرات پر "عسكری" پُل کی تعمیر

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

روسی ٹیلی وژن کے مطابق روسی فوج نے شام میں دیر الزور کے نزدیک دریائے فرات کے اوپر ایک پُل تعمیر کیا ہے۔ اس اقدام کا مقصد فوجیوں اور عسکری گاڑیوں کو دوسری جانب منتقل کرنا ہے تا کہ شامی حکومت کی فوج کی جانب سے کیے جانے والے حملے کی معاونت کی جا سکے۔ روسی ٹی وی نے پُل پر سے ٹرکوں کے گزرنے کے مناظر بھی نشر کیے۔

روسی وزارت دفاع کے سینئر اہل کار ولادیمر پورووتسیف نے ایک پریس کانفرنس میں بتایا کہ شدت پسندوں کی جانب سے فائرنگ کے باوجود یہ چھوٹا پُل دو روز سے بھی کم عرصے میں تیار کر لیا گیا۔

روسی ٹی وی چینلوں نے بتایا کہ یہ پُل انسانی امداد کی منتقلی وار مریضوں اور زخمیوں کے انخلاء میں بھی کام آ سکتا ہے۔ رپورٹ کے مطابق 210 میٹر طویل اس پُل پر سے 24 گھنٹوں کے اندر آٹھ ہزار گاڑیاں گزر سکتی ہیں جن میں فوجی ٹینک ، بھاری بکتر بند گاڑیاں اور میزائل نظام کی حامل گاڑیاں شامل ہیں۔

مقبول خبریں اہم خبریں

مقبول خبریں