لبنان : سرکاری ملازمین کی اضافہ شدہ تن خواہوں کی وصولی کے لیے ہڑتال

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

لبنان میں سرکاری ملازمین نے حال ہی میں اپنی تن خواہوں میں اضافے کی وصولی کے لیے ہڑتال کردی ہے۔حکومت نے اس موسم گرما میں سرکاری ملازمین کی تن خواہوں میں اضافے کے لیے قانون کی منظوری دی تھی لیکن اس کے پاس ان کی ادائی کے لیے رقم نہیں ہے۔

لبنانی کابینہ آج منگل کے روز اضافہ شدہ تن خواہوں کی ادائی کے لیے رقوم فراہم کرنے طریقوں پر غور کررہی ہے۔اس کو کم سے کم 80 کروڑ ڈالرز درکار ہوں گے۔

لبنان کی آئینی کونسل نے اسی ہفتے تن خواہوں کے بل کی ادائی کے لیے ایک ٹیکس قانون کو منسوخ کردیا ہے اور کہا ہے کہ اس سے آئین کی خلاف ورزی ہوئی ہے۔

اس فیصلے کے بعد حکومت تن خواہوں کے بل کے لیے رقوم فراہم کرنے کی غرض سے مختلف طریقوں پر غور کررہی ہے۔اس پر سرکاری ملازمین کا بھی دباؤ ہے اور وہ اسی ماہ سے اپنی نئی تن خواہیں ادا کرنے کا مطالبہ کررہے ہیں۔

لبنان میں آج سرکاری دفاتر بند رہے ہیں اور سیکڑوں سرکاری ملازمین نے ان کے باہر اکٹھے ہوکر احتجاجی مظاہرے کیے ہیں۔انھوں نے مختلف پوسٹر اٹھا رکھے تھے اور ان میں ایک پرلکھا تھا:’’ وقار کے لیے ہڑتال‘‘۔

مقبول خبریں اہم خبریں

مقبول خبریں