.

سعودی عرب کی جانب سے منامہ میں ہونے والے دھماکے کی مذمّت

پہلی اشاعت: آخری اپ ڈیٹ:

سعودی پریس ایجنسی کے مطابق سعودی وزارت خارجہ کے ایک ذمے دار نے بحرین کے دارالحکومت منامہ میں ہونے والے بم دھماکے کی مذمت کی ہے۔

مذکورہ ذریعے نے باور کرایا کہ مملکت سعودی عرب ان دہشت گرد کارروائیوں کے خلاف اپنی برادر مملکت بحرین کے ساتھ کھڑی ہے جن کا مقصد بحرین کے امن و استحکام کو متزلزل کرنا اور وہاں کے محفوظ شہریوں میں دہشت پھیلانا ہے۔

اس سے قبل بحرین کی وزارت داخلہ نے اعلان کیا تھا کہ منامہ کی شارع البدیع پر ہونے والے ایک دھماکے کے نتیجے میں 5 پولیس اہل کار زخمی ہو گئے جو علاقے میں عاشوراء کے موقع پر سالانہ جلوس کی حفاظت پر مامور تھے۔