.

یمن : حجہ میں باغیوں کے اسلحہ گوداموں پر اتحادی طیاروں کی بم باری

پہلی اشاعت: آخری اپ ڈیٹ:

یمن میں سرکاری فوج نے بدھ کے روز اعلان کیا ہے کہ عرب اتحادی طیاروں نے سعودی سرحد کے نزدیک یمنی صوبے حجہ کے دو شہروں حرض اور میدی میں فضائی بم باری کر کے حوثی ملیشیا کے ہتھیاروں اور عسکری ساز و سامان کے گوداموں کو تباہ کر دیا۔

فوجی بیان کے مطابق عرب اتحادی طیاروں نے گزشتہ 24 گھںٹوں کے دوران سلسلہ وار فضائی حملے کیے جن میں باغیوں کے ٹھکانوں ، اسلحہ ڈپوؤں اور عسکری گاڑیوں کو نشانہ بنایا گیا۔

یاد رہے کہ یمن کی سرکاری فوج نے منگل کے روز ایک اعلان میں بتایا تھا کہ ملک کے شمال مغرب میں واقع صوبے الجوف میں یمن کو سعودی عرب سے ملانے والی بین الاقوامی لائن پر اس کی فورسز نے اہم پیش قدمی کو یقینی بنایا ہے۔ یہ کامیابی باغی حوثی ملیشیا اور معزول صالح کی فورسز کے ساتھ گھمسان کی لڑائی کے بعد حاصل ہوئی۔