.

دبئی: خصوصی افراد سے ڈرائیونگ لائسنس کی نصف فیس وصولی کا فیصلہ

پہلی اشاعت: آخری اپ ڈیٹ:

متحدہ عرب امارات کے سیاحتی اور کاروباری مرکز دبئی کی حکومت نے ایک قابل تعریف انسان دوست اقدام اٹھاتے ہوئے معذور اور خصوصی افراد سے نیا ڈرائیونگ لائسنس جاری کرنے یا تجدید کرنے پر آدھی فیس لینے کا اعلان کیا ہے۔

ولی عہد دبئی شیخ حمدان بن محمد بن راشد آل مکتوم نے متذکرہ حکم جاری کرتے ہوئے ڈرائیونگ لائسنس کے حوالے سے نئے قوانین کی بھی منظوری دی۔

نئے قوانین کے مطابق پیشہ ور ڈرائیوروں کی سنگین ٹریفک خلاف ورزی پر لائسنس منسوخ یا وقتی طور پر معطل کیا جا سکتا ہے۔ گاڑیوں کے معائنے کے لئے بھی نئے ضوابط مقرر کئے گئے ہیں جن میں سرفہرست سلامتی کی ضمانت ہے۔