.

سعودی عرب میں خواتین کے گاڑی چلانے کی کم از کم عمر مقرّر

پہلی اشاعت: آخری اپ ڈیٹ:

سعودی عرب میں ٹریفک پولیس کی انتظامیہ کی جانب سے جمعے کے روز جاری بیان میں واضح کیا گیا ہے کہ مملکت میں خواتین کے لیے گاڑی اور موٹر سائیکل چلانے کے لائسنس کی مقررہ عمر 18 برس جب کہ سروس وہیکل چلانے کے لیے کم از کم عمر 20 برس ہے۔ البتہ سترہ برس کی خواتین عارضی لائسنس حاصل کر سکتی ہیں جس کی مدت ایک برس سے زیادہ نہیں ہو گی۔

ٹریفک پولیس اور روڈ سکیورٹی انتظامیہ کی جانب سے خواتین کے گاڑی چلانے اور لائسنسس کے حصول سے متعلق 40 سے زیادہ سوالات کے جوابات جاری کیے گئے ہیں۔ اس منصوبے پر آئندہ برس جون سے عمل درامد شروع ہو گا۔

سعودی فرماں روا شاہ سلمان نے 26 ستمبر 2017 کو جاری ایک فرمان میں مملکت میں خواتین کو گاڑی چلانے کی اجازت اور ڈرائیونگ لائسنس جاری کرنے کا حکم دیا تھا۔