.

شاہ سلمان اور صدر السیسی کے درمیان ٹیلیفونک رابطہ

سعودی عرب مصر کی سلامتی اور استحکام کا خواہاں ہے:شاہ سلمان

پہلی اشاعت: آخری اپ ڈیٹ:

سعودی عرب کے فرمانروا خادم الحرمین الشریفین شاہ سلمان بن عبدالعزیز آل سعود اور مصری صدر عبدالفتاح السیسی کے درمیان ٹیلیفون پر رابطہ ہوا ہے۔ اس موقع پر شاہ سلمان نے مصر کی سلامتی اور استحکام کی خواہش کا اظہار کیا ہے۔

سعودی عرب کی سرکاری خبر رساں ایجنسی ’ایس پی اے‘ کے مطابق شاہ سلمان نے مصری صدرالسیسی سے ٹیلیفون پر بات چیت کرتےہوئے دہشت گردی کے خلاف مصر کی جنگ کی حمایت کی۔ ان کا کہنا تھا کہ سعودی عرب مصرکی سلامتی، ترقی، خوش حالی اور استحکام کا خواہاں ہے۔ توقع ہے صدر السیسی کی قیادت میں مصر مزید ترقی کی منازل طے کرتے ہوئے دہشت گردی کے ناسور سے نمٹنے میں کامیاب رہے گا۔

دونوں رہ نماؤں کےدرمیان ہونے والی بات چیت میں دوطرفہ تعلقات کےفروغ، باہمی دلچسپی کےامور اور عالمی اور علاقائی امور پر تبادلہ خیال کیا گیا۔