.

سعودی عرب میں ڈرائیونگ کے دوران بلیوٹوتھ سے فون کال پر پابندی

پہلی اشاعت: آخری اپ ڈیٹ:

سعودی عرب کی جنرل ٹریفک اتھارٹی نے ڈرائیونگ کے دوران بلیوٹوتھ کے ساتھ ایئرفون کو استعمال کرتے ہوئے فون کال کرنے پر پابندی اور خلاف ورزی پر جرمانہ کی سزا مقرر کی ہے۔

العربیہ ڈاٹ نیٹ کے مطابق یہ حکم نامہ ایک شہری کی جانب سے مائیکرو بلاگنگ ویب سائیٹ ’ٹوئٹر‘ پرپوچھے گئے ایک سوال کے جواب میں جاری کیا گیا ہے۔

ایک شہری نے سلام کے بعد ٹریفک اتھارٹی سے پوچھا کہ آیا ڈرائیونگ کےدوران بلیوٹوتھ ٹیکنالوجی کو استعمال کرتے ہوئے موبائل فون کو چھوئے بغیر فون کال کی جاسکتی ہے تواس کے جواب میں حکام نے واضح کیا ڈرائیونگ کے دوران کسی بھی حالت میں موبائل فون کا استعمال ممنوع ہے۔ چاہے وہ بلیوٹوتھ سستم کے ذریعے ہو یا موبائل کو چھونے کی شکل میں ہو۔