.

آنتونیو گوتیریس کا الغوطہ میں انسانی امداد پہنچانے کی اجازت دینے کا مطالبہ

پہلی اشاعت: آخری اپ ڈیٹ:

اقوام متحدہ کے سکریٹری جنرل آنتونیو گوتیریس نے مطالبہ کیا ہے کہ شام بالخصوص دمشق کے نزدیک محصور علاقے الغوطہ الشرقیہ میں انسانی امداد کے قافلوں کو ضرورت مند افراد تک پہنچنے کی "فوری" اجازت دی جائے۔

جنگ بندی کے باوجود شامی حکومت کی فوج کی جانب سے الغوطہ پر بم باری کا سلسلہ جاری ہے۔

گوتیریس نے اپنے بیان میں کہا کہ وہ تمام متحارب فریقوں پر زور دیتے ہیں کہ وہ امدادی قافلوں کو محفوظ صورت میں پہنچنے کی فوری اجازت دیں تا کہ انتہائی ضرورت مند لاکھوں افراد کو بنیادی نوعیت کی اشیاء فراہم کی جا سکیں۔ بالخصوص دوما میں طبّی مواد اور صفائی کے لوازمات سمیت امدادی سامان مقررہ تاریخ یعنی 8 مارچ کو پہنچنا ممکن بنایا جائے۔