ماحولیاتی تحفظ کے لیےسعودی عرب میں ایک کروڑ درخت لگانے کا فیصلہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کی حکومت نے ماحول کو صاف اور آلودگی سے پاک رکھنے کے لیے ملکی تاریخ کی سب سے بڑی شجر کاری مہم کا اعلان کیا ہے۔ اس مہم کے دوران مختلف شہروں میں ایک کروڑ درخت لگانے کا ہدف مقرر کیا گیا ہے۔

العربیہ چینل کی رپورٹ کے مطابق سعودی وزارت ماحولیات، آبی وسائل اور زراعت نے 40 لاکھ پودے فوری طورپر لگانے، 70 لاکھ پودوں کے بیج بونے اور 60 ہزار ہیکٹرزرعی اراضی واگزار کرانے کا اعلان کیا ہے۔

حکومت آئندہ پانچ برسوں کے دوران ایک سو سےزاید زرعی ریزورٹ قائم کرے گی جب کہ 24 سابقہ سیرگاہوں کو ڈویلپ کیا جائے گا۔ سعودی عرب میں گرمیوں میں اوسط درجہ حرارت 36 سینٹی گریڈ ہوتا ہے۔ ماہرین کا کہنا ہے کہ ایک درخت چار افراد کو آکسیجن مہیا کرتا ہے۔ درخت ہوا کو ہرطرح کی آلودگی سے بچانے میں مدد گار ہے۔

مقبول خبریں اہم خبریں

مقبول خبریں