یمنی فوج کی لحج میں پیش قدمی، طیبہ الاسم فوجی کیمپ پر قبضہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

یمن کی سرکاری فوج نے عرب اتحادی فورسز کی معاونت سے شمالی گورنری لحج میں اہم پیش قدمی کرتے ہوئے باغیوں کے متعدد حملے پسپا کردیے ہیں۔ ادھر یمنی فوج نے الجوف اور صعدہ گورنریوں کے درمیان واقع تزویراتی اہمیت کے حامل طیبہ الاسم فوجی کیمپ کو باغیوں سے چھڑالیا ہے۔

العربیہ ڈاٹ نیٹ کے مطابق یمن کے فیلڈ ذرائع سے ملنے والی اطلاعات میں بتایا گیا ہے کہ شمالی لحج میں القبیطہ ڈائریکٹوریٹ کے تزویراتی علاقے جبل شیفان کو باغیوں سے چھڑالیا ہے۔ اس کے علاوہ حکومتی فورسز جبال الکسری، المزحلق، الممشاج میں بھی پیش قدمی جاری رکھے ہوئے ہے جب کہ جنوبی تعز میں الراھدہ شہر میں بھی حکومتی فوج نے باغیوں کو متعدد مقامات پرشکست سے دوچار کیا ہے۔

جبل شیفان السحی کے علاقے میں واقع ہے جو الراھدہ شہر سے محض پانچ کلو میٹر کی دوری پر ہے۔ یمنی فوج مرکزی شاہرہ کے راستے الراھدہ کی طرف بڑھ رہی ہے۔

یمنی فوج نے جنوبی الراھدہ میں العلوب کے مقام سے باغیوں کو نکال باہر کرتے ہوئے الشریجہ اور جنوب مشرقی تعز کی طرف پیش قدمی شروع کردی ہے۔

یمنی فوج کے میڈیا سینٹر کی طرف سے جاری کردہ ایک فوٹیج میں دکھایا گیا ہے کہ سرکاری فوج نے الجوف اور صعدہ کے درمیان واقع تزویراتی طیبہ الاسم کیمپ پر کنٹرول حاصل کرلیا ہے۔

مقبول خبریں اہم خبریں

مقبول خبریں