.

عراق میں داعش کے ہاتھوں ہلاک 38 مزدوروں کی باقیات بھارت کے حوالے

پہلی اشاعت: آخری اپ ڈیٹ:

عراقی حکومت نے سنہ2014ء میں شمالی شہر موصل میں دہشت گرد گروپ ’داعش‘ کے حملے میں ہلاک ہونے والے 38 مزدوروں کی لاشیں نئی دہلی کے حوالے کردی ہیں۔

عراق میں متعین بھارتی سفیر کی طرف سے جاری کردہ ایک بیان میں کہا گیا ہے کہ تمام مقتولین کی میتیں خصوصی فوجی طیارے پر بھارت روانہ کی جائیں گی۔ خارجہ امور کے وزیر بھی ہمراہ ہوں گے۔

خیال رہے کہ عراقی حکام نےگذشتہ برس موصل میں ایک اجتماعی قبر کا پتا چلایا تھا جس میں دفن کیے گئے افراد کی شناخت ان بھارتی مزدوروں کے طورپر کی گئی تھی جنہیں موصل کےقریب داعش نے ایک تعمیراتی کمپنی کے ساتھ کام کے دوران موت کے گھاٹ اتار دیا تھا۔ مقتولین میں بیشتر کا تعلق شمالی بھارت سے بتایا جاتا ہے۔ بھارتی وزارت خارجہ کی طرف سے جاری کردہ ایک بیان میں کہا گیا تھا کہ 2014ء میں بھارت کے 39 شہریوں کو اغواء کرلیا گیا تھا جس کےبعد ان کے زندہ یا مردہ ہونے کے بارے میں متضاد اطلاعات بھی آتی رہی ہیں۔

ان بھارتی شہریوں کو داعش نے سنہ2014ء کو موصل سمیت عراق کے وسیع علاقے پر ڈرامائی انداز میں قبضے کے دوران اغواء کیا۔ مغربی موصل کے شمالی علاقے دوش سے ان کی لاشیں ایک اجتماعی قبر سے ملی تھیں۔