سعودی عرب کا عالمی برادری سے دوما میں شہریوں کے تحفّظ کا مطالبہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کی وزارت خارجہ نے شام کے علاقے دوما میں بشار حکومت کی جانب سے کیمیائی ہتھیاروں کے پے درپے حملوں اور ان میں درجنوں افراد کے جاں بحق ہونے کی مذمت کرتے ہوئے اس پر تشویش کا اظہار کیا ہے۔

اتوار کے روز ٹوئیٹر پر جاری بیان میں کہا گیا ہے کہ "ہم غوطہ شرقیہ میں دوما کے علاقے پر خوف ناک کیمیائی حملے کے حوالے سے اپنی گہری تشویش اور شدید مذمت کا اظہار کرتے ہیں جس کے نتیجے میں بچوں اور خواتین سمیت درجنوں افراد لقمہ اجل بن گئے۔ ہم اس امر کی ضرورت پر زور دیتے ہیں کہ اس الم ناک سلسلے کو روکا جائے اور شامی بحران کا ایک پُر امن حل تلاش کیا جائے جس کی بنیاد جنیوا 1 اعلامیہ اور سلامتی کونسل کی قرار داد 2254 ہو۔ ہم اس بات کا پُر زور مطالبہ کرتے ہیں کہ عالمی برادری شام میں شہریوں کے تحفظ کے حوالے سے اپنی ذمّے داری کو پورا کرے"۔

مقبول خبریں اہم خبریں

مقبول خبریں