یمن : اماراتی فورسز نے دھماکا خیز مواد سے بھرا ایرانی ڈرون طیارہ پکڑ لیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size

متحدہ عرب امارات کی مسلح افواج میں ڈرون طیاروں کے خلاف دفاع کے مخصوص یونٹ نے منگل کے روز دھماکا خیز مواد سے بھرا ہوا ایک "قاصف/1" ایرانی ڈرون طیارہ تحویل میں لے لیا۔ یہ طیارہ یمن کے مغربی ساحل پر سرکاری فوج کے ٹھکانوں کے نزدیک دراندازی کی کوشش کر رہا تھا۔

اماراتی سرکاری خبر رساں ایجنسی WAM کے مطابق طیارے کے معائنے کے دوران اس کے اندر سے بڑی مقدار میں دھماکا خیز مواد برآمد کر لیا گیا جو منتخب اہداف کے خلاف استعمال کیا جانا تھا۔

سعودی عرب کے زیر قیادت عرب اتحاد نے باور کرایا ہے کہ ایران کی ان صلاحیتوں پر روک لگانے کا سلسلہ جاری رہے گا جو نہ صرف یمنی فوج اور عوام کے لیے بلکہ بحر احمر میں سمندری جہاز رانی کے لیے بھی براہ راست خطرہ ہیں۔

مقبول خبریں اہم خبریں