.

عرب فن کار نے سعودیہ میں خواتین کی ڈرائیونگ کے بارے میں کیا کہا؟

پہلی اشاعت: آخری اپ ڈیٹ:

سعودی عرب کے ایک مشہور فن کار محمد عبدہ نے مملکت میں خواتین کو ڈرائیونگ کی اجازت دیے جانے کا خیر مقدم کیا ہے اور کہا ہے کہ خواتین کی ڈرائیونگ کے حوالے سے آنے والے کل سعودی عرب پر بھاری ذمہ داریاں عاید ہوں گی۔

العربیہ ڈاٹ نیٹ کے مطابق ایک ریکارڈڈ فوٹیج میں محمد عبدہ نے کہا ہے کہ ’میری بیٹی اور میرا خاندان اور آپ کی بیٹی اور آپ کا خاندان جلد ڈرائیونگ کرے گا۔ ان کے حوالے سے ہمارے اوپر بھاری ذمہ داریاں عاید ہوتی ہیں۔

عرب فن کار کہنا تھا کہ ہمیں اپنے ترقی اور روایات دونوں کی حفاظت کرناہوگی اور دنیا کو یہ بتانا ہوگا کہ ہم اس تاریخی واقعے کی پوری اہلیت رکھتے ہیں۔ اس کے ساتھ ساتھ ہم اپنے بچوں اور اہل خانہ کے تحفظ اور سلامتی کے بھی ذمہ دار ہیں۔ ہرفرد پر اس کی حیثیت کے مطابق ذمہ داریاں عاید ہوتی ہیں۔