صعدہ : یمنی فوج کی حوثیوں کے سربراہ کے گڑھ کی جانب پیش قدمی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

یمن میں عسکری ذرائع نے بتایا ہے کہ سرکاری فوج نے صعدہ صوبے کے ضلعے مران میں حوثیوں کے سربراہ عبدالملک الحوثی کے گڑھ کی جانب پیش قدمی کی ہے۔ آئینی حکومت کی فورسز نے 5 سمتوں سے صعدہ صوبے کا محاصرہ کر رکھا ہے جب کہ سرحدی محافظین کی فورس نے البقع کے محاذ پر 8 تزویراتی ٹھکانوں کو آزاد کرا لیا ہے۔

مذکورہ ذرائع نے ہی باور کرایا ہے کہ یمنی فوج مران کے پہاڑی سلسلے میں باغیوں کی کارروائیوں کی کمان کے مرکز کے نزدیک پہنچ گئی۔ اس مرکز کی نگرانی ایرانی پاسداران انقلاب کے افسران کر رہے ہیں۔ ذرائع نے مزید بتایا کہ یہ افسران غاروں میں بنائے گئے عسکری اڈوں کو چلا رہے ہیں اور یہاں ایرانی میزائلوں اور ہتھیاروں کے گودام موجود ہیں۔

دوسری جانب صعدہ میں اتحادی لڑاکا طیاروں کے حملے میں حوثی کمانڈر میجر جنرل صبری عبدالکریم سالمین اپنے کئی ساتھیوں سمیت مارا گیا۔

اس کے علاوہ کتاف ضلعے کے علاقے الصوح میں یمنی فوج کے ہاتھوں باغیوں کا ایک گروپ ہلاک ہو گیا۔ یہ باغی گزشتہ رات مذکورہ علاقے میں دراندازی کی کوشش کر رہے تھے۔

مقبول خبریں اہم خبریں

مقبول خبریں