.

امریکا نے ایران پرعاید کردہ سابقہ پابندیاں بحال کر دیں

پہلی اشاعت: آخری اپ ڈیٹ:

امریکی وزارت خزانہ نے کہا ہے کہ وہ ایران پر عاید کردہ اقتصادی پابندیوں میں نرمی کے 180 دن بعد ان پابندیوں کا اعادہ کر رہا ہے۔ دوبارہ عاید کی جانے والی پابندیوں میں تیل سیکٹر اور ایران کے مرکزی بنک کے ساتھ لین دین کی پابندی بھی شامل ہے۔

العربیہ ڈاٹ نیٹ کے مطابق امریکی وزارت خزانہ کی ویب سائیٹ پر جاری ایک بیان میں کہا گیا ہے کہ ایران پر عاید کردہ پابندیوں میں 180 دن تک نرمی کی گئی تھی مگرایران نے اس نرمی کا غلط فائدہ اٹھایا ہے۔ امریکی محکمہ خزانہ ایران کے ساتھ طیاروں کی درآمدات، معدنیات کی تجارت، ارو دیگر شعبوں میں عاید کردہ پابندیوں کو بحال کر رہا ہے۔

خیال رہے کہ تہران کے خلاف امریکی پابندیوں کی بحالی ایک ایسے وقت میں ہو رہی ہے جب دوسری جانب امریکی صدر ڈونلڈ ٹرمپ نے ایران کے ساتھ طے پائے جوہری معاہدے سے نکلنے کا اعلان کیا ہے۔ ایران کے ساتھ جوہری معاہدے سے علاحدگی اس بات کا واضح اشارہ ہے کہ امریکا دوبارہ ایران پر پابندیاں عاید کرنے کی پالیسی اپنا رہا ہے۔