.

عراق : داعش میں شمولیت اختیار کرنے والے بیلجین باشندے کو سزائے موت

پہلی اشاعت: آخری اپ ڈیٹ:

عراق میں سینٹرل کرمنل کورٹ نے منگل کے روز ایک فیصلے میں داعش سے تعلق کے الزام میں بیلجیم کے ایک باشندے کو پھانسی کی سزا سنائی ہے۔ طارق جدعون نامی یہ بیلجین شہری وڈیو ٹیپس میں فرانس اور بیلجیم کو حملوں کا نشانہ بنانے کا مطالبہ کرتا تھا۔

سال 1988ء میں پیدا ہونے والا طارق 2014ء میں دہشت گرد تنظیم داعش کی صفوں میں شامل ہوا۔ وہ تنظیم میں "ابو حمزہ البلجیکی" کی عرفیت سے جانا جاتا تھا۔

فرانسیسی خبر رساں ایجنسی کے مطابق دس مئی کو عدالتی کارروائی کے آغاز پر طارق نے خود کے بری ہونے پر اصرار کیا۔ اس کا کہنا تھا کہ وہ "راستہ بھٹک گیا تھا"۔