عرب اتحاد کی یمن کے سیلاب سے متاثرہ جزیرے کے لیے ہنگامی امداد

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

یمن میں آئینی حکومت کی مدد کے لیے سرگرم عرب اتحاد نے کہا ہے کہ یمن کے سیلاب سے متاثرہ جزیرے سقطری کے متاثرین تک آج جمعہ کو ہنگامی امداد پہنچائی جا رہی ہے۔

جمعرات اور جمعہ کی درمیانی شب ’العربیہ‘ چینل سے بات کرتے ہوئے عرب اتحادی فوج کے ترجمان کرنل ترکی المالکی نے کہا کہ اتحادی فوج یمن کی سرکاری فوج اور حکومت کے ساتھ مل کر سقطری جزیرے میں امدادی کاموں میں حصہ لے رہی ہے۔ عرب اتحاد کی طرف سے آج جمعہ کو سقطری میں ہنگامی امداد پہنچائی جا رہی ہے۔

ادھر یمن میں متعین سعودی عرب کے سفیر محمد آل جابر کا کہنا ہے کہ سعودی عرب سقطری جزیرے میں مکونو طوفان کے نتیجے میں ہونےو الے نقصان کے ازالے کے لیے یمنی عوام کی ہرممکن مدد جاری رکھے گا۔ ایک ٹویٹ میں سعودی سفیرکا کہنا تھا کہ سعودی عرب کی تعمیر نو کی ذمہ دار کمیٹی یمن میں امدادی کام جاری رکھے ہوئے ہے۔ سیلاب اور طوفان سے متاثرہ جزیرہ سقطری میں ایک ریلیف مرکز قائم کیا گیا ہے جو مکونو طوفان اور سیلاب کے نتیجے میں ہونے والے نقصان کے ازالے اور متاثرین کی مدد کے لیے کام کررہا ہے۔

مقبول خبریں اہم خبریں

مقبول خبریں