حوثی ’یو این‘ مندوب سے بامقصد مذاکرات کریں:امریکا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

امریکی حکومت نے یمن کےایران نواز حوثی باغیوں پر اقوام متحدہ کے امن مندوب کے ساتھ بامقصد بات چیت پر زور دیا ہے۔

العربیہ ڈاٹ نیٹ کے مطابق وائیٹ ہاؤس کی طرف سے جمعہ کے روز جاری کردہ ایک بیان میں کہا گیا ہے کہ حوثی باغیوں کا بحر الاحمر میں ترکی کے مال بردار جہاز پرمیزائل حملہ باعث تشویش ہے۔

بیان میں کہا گیا ہے کہ حوثی باغیوں نے ساحل سمندر سے 70 کلو میٹر دور ترکی کے ایک تیل بردار جہاز جس پر 50 ہزار ٹن گندم لادی گئی تھی اور اسے الحدیدہ بندرگاہ پر لایا جا رہا تھا کو حملے سے نشانہ بنا کرخوف وہراس پھیلانے کی کوشش کی گئی

بیان میں کہا گیا ہے کہ عالمی پانیوں میں کسی ترک بحری جہاز کو نشانہ بنانا اس بات کا ثبوت ہے کہ حوثی باغی سلامتی کونسل کی قرارداد 2216 کی مسلسل خلاف ورزی کررہےہیں۔ امریکی حکومت نے حوثیوں پر زور دیا ہے کہ یمن میں دیر پا قیام امن کے لیے اقوام متحدہ کے فریم ورک کے مطابق بامقصد بات چیت کریں۔

مقبول خبریں اہم خبریں

مقبول خبریں