.

ایران: سماعت سے محروم افراد کے لیے گروپ کو مذہبی ترانوں کے مظاہرے سے روک دیا گیا

پہلی اشاعت: آخری اپ ڈیٹ:

ایران میں حکام نے سماعت سے محروم افراد کے لیے خواتین کے گروپ کو مذہبی ترانے ادا کرنے کے مظاہرے سے روک دیا ہے۔ حکام کے مطابق اس اقدام کا سبب گروپ کی لڑکیوں کی جانب سے "نا مناسب اور متنازع حرکات" کا کیا جانا ہے۔

سماعت سے محروم افراد کے ٹوئیٹر پر اکاؤنٹ نے بتایا ہے کہ ایرانی ذمے داران نے ماہ رمضان میں چند قسطیں پیش کرنے کے بعد اس پروگرام کو روک دیا ہے۔

گروپ کی ڈائریکٹر نے واضح کیا کہ حکام نے لڑکیوں کی جانب سے "غیر موزوں" حرکات کے سبب اس سلسلے کو روک دیا ہے جب کہ گروپ کی لڑکیاں کلام کے بجائے اشاروں کی زبان استعمال کر رہی تھیں۔

اس حوالے سے سوشل میڈیا پر وسیع پیمانے پر پھیلی وڈیو میں گروپ کی لڑکیاں اسلامی لباس اور ایرانی برقعے میں ملبوس ہو کر مذہبی ترانوں کا مظاہرہ کر رہی ہیں۔

دوسری جانب سوشل میڈیا پر کارکنان سے ایرانی حکام کے تصرف کی مذمت کرتے ہوئے اس رویے کو داعش جیسی شدت پسند تنظیموں کے برتاؤ کے مترادف قرار دیا۔