.

شام : اِدلب میں بشار حکومت کے پمفلٹس میں "ہتھیار ڈال دینے" کا مطالبہ

پہلی اشاعت: آخری اپ ڈیٹ:

شام میں انسانی حقوق کے نگراں گروپ المرصد کے مطابق شامی حکومت کے ہیلی کاپٹروں نے شمالی اِدلِب کے نواحی علاقوں میں پمفلٹس گرائے ہیں جن میں ادلب کی آبادی اور جنگجوؤں سے مطالبہ کیا گیا ہے کہ وہ ہتھیار ڈال کر بشار حکومت کے ساتھ تعاون کریں۔

المرصد نے تصدیق کی ہے کہ بعض پفملٹس میں ادلب کی آبادی کو ہتھیار ڈالنے یا موت کا سامنا کرنے میں سے کوئی ایک آپشن چننے کو کہا ہے۔ ساتھ ہی یہ بھی کہا گیا ہے کہ یہ شامی شہریوں کے حالات کی بہتری کا آخری موقع ہے۔

المرصد کے مطابق یہ پمفلٹس ادلب شہر کے نواح میں شدید لڑائی کا سلسلہ موقوف ہونے کے ایک ماہ بعد سامنے آئے ہیں۔

روسی وزارت دفاع نے اتوار کے روز شام میں اپوزیشن گروپوں کے خلاف لڑائی میں اپنے چار فوجیوں کے ہلاک ہونے کا اعلان کیا تھا۔ وزارت دفاع کے مطابق جھڑپوں میں 40 سے زیادہ مسلح عناصر بھی اپنی جانوں سے ہاتھ دھو بیٹھے۔

دوسری جانب شامی گروپ المرصد نے اتوار کے روز بتایا کہ چند روز قتبل دیر الزور میں داعش تنظیم کے حملوں میں روسی فوج کے 9 اور شامی فوج کے 26 اہل کار مارے گئے۔