سعودی عرب : قومی ترانے کے احترام میں کھڑے نہ ہونے والے دو ججوں سے پوچھ گچھ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب میں عدلیہ سپریم کونسل کے سربراہ داکٹر ولید الصمعانی نے ہدایت جاری کی ہے کہ الجوف صوبے میں ایک سرکاری تقریب کے دوران قومی ترانے کی ادائیگی کے وقت کھڑے نہ ہونے والے دو ججوں کے ساتھ پوچھ گچھ کی جائے۔

دوسری جانب وزارت انصاف کے ترجمان منصور القفاری کا کہنا ہے کہ قومی ترانے کی ادائیگی کے وقت احتراما کھڑا ہو جانا یہ مقامی اور عالمی سطح پر ایک منظور شدہ امر ہے۔ اس حوالے سے عدلیہ سے منسلک کسی شخصیت کی جانب سے ایسا کوئی بھی تصرّف ناقابل قبول ہے جو قومی علامتوں کے عدم احترام کو ظاہر کرے۔

العربیہ ڈاٹ نیٹ کی جانب سے گزشتہ روز ایک اخباری متن کو سامنے لایا گیا تھا جس میں مذہبی طور پر قومی رسومات اور علامتوں کے تصور کو تسلیم نہ کیے جانے کے معاملے پر روشنی ڈالی گئی۔ متن میں "قومی ترانے کے لیے کھڑے ہونے" کے حوالے سے شرعی تصور اور احکامات اور مذہبی شخصیات کے درمیان اختلاف کو زیر بحث لایا گیا۔ ساتھ ہی الجوف صوبے میں سرکاری تقریب کے دوران دو مذہبی رہ نماؤں کی جانب سے قومی ترانے کے وقت بیٹھے رہنے کے بعد پیدا ہونے والی صورت حال کی تصویر پیش کی گئی۔

مقبول خبریں اہم خبریں

مقبول خبریں