’سعودی ٹوئٹر‘ نے الجزیرہ کو شکست فاش دی:قرقاش

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

متحدہ عرب امارات کے وزیر مملکت برائے خارجہ امور انور قرقاش نے کہا ہے کہ ’سعودی ٹوئٹر‘ نے قطر کے الجزیرہ کو میڈیا کے محاذ پر شکست فاش دی ہے۔

العربیہ ڈاٹ نیٹ کے مطابق چار عرب ممالک سعودی عرب، بحرین، امارات اور مصر کی جانب سے قطر کے بائیکاٹ کو ایک سال پورا ہونے پر ’ٹوئٹر‘ پر پوسٹ متعدد ٹویٹس میں اماراتی وزیر نے قطر کی پالیسی کو کڑی تنقید کا نشانہ بنایا۔

انہوں نے لکھا کہ ’جب آپ اپنے وطن کے دفاع کی بات کرتے ہیں تو آپ کی آواز زیادہ طاقت ور ہوتی ہے‘۔

ان کا مزید کہنا ہے کہ قطر کی پالیسی، دانش مندی کے فقدان’خفیہ‘ سفارت کاری کے باعث دوحہ کے بحران سے نمٹنا آسان تھا۔

انور قرقاش نے کہا کہ انہیں ایک مغربی صحافی نے بتایا کہ قطر نے اپنی تنہائی ختم کرنے کے لیے غیرملکی صحافیوں کو پیسوں کی ادائیگی کے ذریعے اپنے ملک میں دعوت دی۔ تاہم اس کے باوجود قطر کی تنہائی ختم نہ ہوسکی۔ قطری میڈیا اور بعض دوسرے ذرائع ابلاغ نے دوحہ میں جشن کی تقریبات کو زیادہ کوریج دے کر اس کی تنہائی ختم کرنے کی کوشش کی۔

اماراتی وزیر کا کہنا تھا کہ خلیجی ممالک نے قطری پالیسی پرحوصلے اور دانش مندی سے کام لیا۔ دوسری جانب قطرنے حکمت اور دانش مندی کی پالیسی کے بجائے ہٹ دھرمی کا مظاہرہ کیا۔ اپنی تنہائی ختم کرنے کے لیے پری پیڈ صحافیوں کو اپنے ملک بلایا۔

مقبول خبریں اہم خبریں

مقبول خبریں