سعودی خواتین کے گاڑی چلانے سے 20 روز قبل لائسنس کا اِجرا شروع

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب میں پیر کے روز مقامی خواتین کے ایک گروپ کو ڈرائیونگ لائسنس دے دیا گیا۔ ان خواتین نے مملکت میں منظور شدہ بین الاقوامی لائسنس کے بدلے سعودی لائسنس حاصل کیا۔

یہ اقدام سعودی عرب میں خواتین کو ڈرائیونگ کی اجازت پر عمل درامد کی مقررہ تاریخ 24 جون 2018ء سے 20 روز قبل سامنے آیا ہے۔

سعودی محکمہ ٹریفک پہلے ہی اعلان کر چکا ہے کہ خواتین کے بین الاقوامی لائسنسوں کے درست ہونے کی تصدیق کے بعد ان کا عملی ٹیسٹ لیا جائے گا۔ کامیابی کی صورت میں ان خواتین کو سعودی ڈرائیونگ لائسنس جاری کر دیا جائے گا۔

دوسری جانب سعودی عرب میں سوشل میڈیا پر جشن کے ماحول میں کئی خواتین کے ڈرائیونگ لائسنس کی تصاویر گردش میں آئی ہیں۔

مقبول خبریں اہم خبریں

مقبول خبریں