.

جزیرہ سیناء میں مصری فوج کی کارروائی میں 15 دہشت گرد ہلاک

پہلی اشاعت: آخری اپ ڈیٹ:

مصر کے سرکاری ذرائع ابلاغ کے مطابق جزیرہ نما سیناء میں فوج نے تازہ آپریشن میں داعش سے تعلق رکھنے والے 15 جنگجوؤں کو ہلاک کردیا ہے۔

مصری اخبار’الاھرام‘ کی ویب سائیٹ پر پوسٹ ایک خبر میں بتایا گیاہے کہ شمالی سیناء میں العریش روڈ پر فوج اور دہشت گردوں کے درمیان فائرنگ کے تبادلے میں کم سے کم پندرہ دہشت گردمارے گئے۔

تاہم اخباری رپورٹ میں یہ واضح نہیں کیا گیا کہ آیا یہ لڑائی کس وقت ہوئی۔ خیال رہے کہ مصری فوج جزیرہ سیناء میں دہشت گرد تنظیموں کے خلاف ایک عرصے سے نبرد آزما ہے رواں سال فروری میں مصری فوج داعش کے خلاف جزیرہ سیناء میں فیصلہ کن آپریشن شروع کیا تھا جس میں کم سے کم 200 داعشی انتہا پسند ہلاک کردیے گئے تھے۔