سعودی عرب برادر ممالک کے استحکام کا شدید خواہش مند ہے : عادل الجبیر

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کے وزیر خارجہ عادل الجبیر کا کہنا ہے کہ اردن کی سپورٹ کے لیے خادم حرمین شریفین شاہ سلمان کا منصوبہ باور کراتا ہے کہ مملکت اپنے برادر ممالک کے استحکام کی خواہاں ہے۔

ٹوئیٹر پر اپنے بیان میں الجبیر نے کہا کہ خادم حرمین شریفین کا اردن کو بحران سے نکالنے کے سلسلے میں مکہ مکرمہ میں اجلاس منعقد کرنے کے واسطے امارات اور کویت کی قیادت کے ساتھ رابطہ اس بات کا ثبوت ہے کہ سعودی عرب عرب ممالک اور ان کے عوام کو استحکام اور ترقی کی نعمت سے بہرہ مند دیکھنا چاہتا ہے۔

ادھر مصری صدر عبدالفتاح السیسی نے اردن کے حوالے سے خادم حرمین شریفین شاہ سلمان کی کوششوں کو سراہا۔ انہوں نے مزید کہا کہ "میں شاہ سلمان کی بھرپور کوششوں کو گراں قدر سمجھتا ہوں جن کا مقصد عرب یک جہتی کو مضبوط بنانا اور تمام جہتوں میں عرب مواقف کو سپورٹ کرنا ہے۔ السیسی نے برادر ملک اردن کی سپورٹ کے لیے شاہ سلمان کے جذبے کے حوالے سے اپنی نیک تمناؤں کا بھی اظہار کیا۔

مقبول خبریں اہم خبریں

مقبول خبریں