کسی سیاست دان کو عراق کے انتخابی نتائج کالعدم قرار دینے کا حق نہیں : الصدری گروپ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

عراق میں الصدری گروپ کے سربراہ مقتدی الصدر کے ترجمان جعفر موسوی کا کہنا ہے کہ کسی سیاسی شخصیت کو یہ حق حاصل نہیں کہ وہ وفاقی عدالت کا فیصلہ جاری ہونے سے قبل انتخابی نتائج کو کالعدم قرار دے۔

موسوی نے منگل کے روز کہا کہ پارلیمنٹ کا غیر معمولی کھلا اجلاس ایک "سیاسی بدعت" ہے۔ انہوں نے بتایا کہ وفاقی عدالت پہلے ہی باور کرا چکی ہے کہ اس اجلاس کے فیصلے "کالعدم" ہیں۔

وفاقی عدالت نے جمعرات 21 جون کا دن عراقی صدر فؤاد معصوم اور خصوصی بورڈ آف کمشنرز کے اعتراضات کا جائزہ لینے کے لیے مقرر کیا ہے۔ یہ بورڈ انتخابی قانون کی تیسری ترمیم کا تقاضہ کرنے والے پارلیمنٹ کے فیصلے سے متعلق ہے۔

اس سے قبل عراقی وزیراعظم حیدر العبادی یہ اعلان کر چکے ہیں کہ وفاقی عدالت وہ واحد ادارہ ہے جو انتخابی نتائج کے حوالے سے سیاسی گروپوں کے درمیان اختلافی امور کا فیصلہ کرنے کا مجاز ہے، ان امور میں انتخابات کا دوبارہ کرایا جانا بھی شامل ہے۔

مقبول خبریں اہم خبریں

مقبول خبریں