لبنان : سعد حریری نے نئی حکومت کی جلد تشکیل کا اشارہ دے دیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

لبنان میں وزارت عظمی کے لیے نامزد سعد حریری نے جمعے کے روز کہا کہ وہ نئی حکومت تشکیل دینے کے قریب ہیں اور اس سلسلے میں ملک کی مرکزی سیاسی جماعتوں کے ساتھ مزید بات چیت کریں گے۔

غیر ملکی عطیہ کنندگان کا کہنا ہے کہ لبنان کو جہاں مئی میں پارلیمانی انتخابات منعقد ہوئے تھے جلد ایک حکومت کی تشکیل کی ضرورت ہے تا کہ اعتماد کو برقرار رکھا جا سکے اور معیشت کو سہارا دینے کے واسطے اصلاحات پر کام شروع کیا جا سکے۔

وزیر مالیات علی حسن خلیل نے رواں ہفتے خبردار کیا تھا کہ لبنان میں نئی کابینہ کی تشکیل کے حوالے سے مطلوبہ اور سنجیدہ پیش رفت سامنے نہیں آ رہی ہے۔

سعد حریری نے لبنان کے صدر میشیل عورن کے ساتھ اجلاس کے بعد کہا کہ "ہم تشکیل کی حالیہ مساوات کے حوالے سے بہت قریب آ گئے ہیں۔ البتہ کچھ مشاورت باقی ہے تا کہ ہر سیاسی فریق یہ بتا دے کہ وہ حکومت میں کتنی نمائندگی چاہتا ہے۔ ان شاء اللہ ہم حتمی تشکیل تک پہنچنے والے ہیں"۔

حریری نے اتحادی حکومت تشکیل دینے کے حوالے سے ارکان پارلیمنٹ کے ساتھ ملاقاتیں کیں۔ اس دوران وزارتی قلم دانوں سے متعلق بعض اختلافات سامنے آئے۔ توقع ہے کہ نئی حکومت بھی سابقہ حکومت کی طرح سیاسی کوٹے کے نظام کے تحت تمام لبنانی فرقوں اور گروپوں کی نمائندگی کرے گی۔

اس سے قبل سعد حریری جرمن چانسلر اینگلا میرکل کے ساتھ ایک مشترکہ پریس کانفرنس کے دوران یہ کہہ چکے ہیں کہ لبنان مطلوبہ اصلاحات کے نفاذ کے حوالے سے اپنے ارادے پر کاربند ہے۔

مقبول خبریں اہم خبریں

مقبول خبریں