.

خواتین کو ڈرائیونگ کی اجازت دینا سماجی ضرورت ہے: وزیر اوقاف

پہلی اشاعت: آخری اپ ڈیٹ:

سعودی عرب کے وزیر برائے اوقاف ومذہبی امور الشیخ عبدالطیف آل الشیخ نے حکومت کی جانب سے خواتین کو ڈرائیونگ کی اجازت دینے کی مکمل حمایت کی ہے۔ ان کا کہنا ہے کہ خواتین کی ڈرائیونگ کا معاملہ سماجی نوعیت کا ہے اور یہ معاشرے کی ضرورت بھی ہے۔

انھوں نے کہا کہ قرآن وحدیث، سنت یا اجماع امت میں ایسی کوئی نص موجود نہیں جسے خواتین کی ڈرائیونگ پر پابندی کے جواز میں پیش کیا جا سکے۔

آل الشیخ نے مزید کہا کہ معاشرتی ضروریات کے پیش نظر خواتین کا گاڑی چلانا ایک سماجی ضرورت بن چکا ہے۔ خواتین کے گاڑی چلانے میں کوئی حرج نہیں۔

خیال رہے کہ سعودی عرب میں آج سے خواتین کو ڈرائیونگ کی اجازت مل گئی ہے۔