حمد خاندان کے جرائم پر بنا کسی استثناء اُس کا احتساب کریں گے : بن سحیم

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

قطر کے شاہی خاندان کی معروف شخصیت شیخ سلطان بن سحیم آل ثانی نے باور کرایا ہے کہ دوحہ کے حکام کا اپنے شہریوں کو فریضہ حج کی ادائیگی سے روکنا اس بات کا ثبوت ہے کہ وہ ملک پر حکمرانی کے اہل نہیں ہیں۔ جمعے کے روز اپنی ٹوئیٹ میں شیخ سلطان نے زور دے کر کہا کہ قطر کے عوام حکمرانوں کے ظلم سے خلاصی حاصل کرنے کے بعد بنا کسی استثناء کے ان کا احتساب کریں گے۔

ایک دوسری ٹوئیٹ میں شیخ سلطان کا کہنا تھا کہ "ان (حکمرانوں) کی جانب سے شورش اور تخریب کی سپورٹ اپنی انتہا پر ہے۔ نئے دور کے قرامطیوں (اسماعیلی شیعہ) کو اللہ اور اس کے رسول کا کوئی خوف نہیں۔ ان کے لیے دنیا میں رُسوائی ہے اور آخرت میں بہت بڑا عذاب ہو گا"۔

شیخ سلطان بن سحیم اس سے قبل بھی اپنی متعدد ٹوئیٹس میں قطر کے عوام کو فریضہ حج سے محروم رکھنے کے لیے قطری حکومت کے تصرفات پر حیرت کا اظہار کیا تھا۔ انہوں نے دوحہ حکومت کو خبردار کیا کہ اس پست اقدام پر تاریخ اُن کو انصاف کے کٹہرے میں لے کر آئے گی۔

شیخ سحیم کے مطابق ایسے میں جب کہ دنیا کے ہر کونے سے مسلمان بیت اللہ کا رخ کر رہے ہیں اور مملکت سعودی عرب نے لاکھوں عازمین حج کے لیے اپنی سرحدوں سے قبل اپنا دل کھول دیا ہے... قطر کی یہ حکومت اپنے شہریوں کو مسلسل دوسرے سال حج سے روک رہی ہے۔ اس کا تمام وبال اُن لوگوں پر ہے جو دین اور اخلاق سے عاری ہیں"۔

مقبول خبریں اہم خبریں

مقبول خبریں