.

مصر : قِبطیوں کے سینئر پادری کا پراسرار حالات میں قتل

پہلی اشاعت: آخری اپ ڈیٹ:

مصر میں قبطیوں کے آرتھوڈوکس چرچ کے ایک اعلان کے مطابق مصر کے شمال میں وادی نطرون میں واقع معروف سینٹ میکاریئس کی خانقاہ اور چرچ کے سربراہ پادری Epiphanius مردہ حالت میں پائے گئے ہیں۔

چرچ کی جانب سے جاری بیان میں بتایا گیا ہے کہ چرچ کے سینئر رہ نما کی وفات پراسرار حالات میں ہوئی ہے جس کے سبب سرکاری طور پر واقعے کی تحقیقات کی جا رہی ہیں۔

دوسری جانب عینی شاہدین کا کہنا ہے کہ پادری Epiphanius کی لاش خانقاہ میں ان کے کمرے کے سامنے خون میں لت پت پائی گئی جب کہ ان کے سر سے خون بہہ رہا تھا۔

واقعے کی اطلاع ملنے کے بعد پولیس کی تحقیقاتی ٹیم نے فوری طور پر لاش کا معائنہ کیا جس پر سر کے پیچھے زخم ملا۔ واقعے کو مبینہ طور پر مجرمانہ واردات شمار کیا جا رہا ہے۔

مصری استغاثہ کی جانب سے متعلقہ حکام کو ہدایت کی گئی ہے کہ لاش کا پوسٹ مارٹم کر کے موت کی وجوہات بیان کی جائیں۔