.

کشیدگی کے باوجود روس کا شام کی تعمیرِ نو کے لیے امریکا سے مطالبہ

پہلی اشاعت: آخری اپ ڈیٹ:

امریکی حکومت کی ایک یادداشت میں یہ بات سامنے آئی ہے کہ روس نے شام کی تعمیر نو اور شامی پناہ گزینوں کی وطن واپسی کے حوالے سے تعاون کے سلسلے میں امریکا کے سینئر ترین جنرل سے رابطے کا راستہ اپنایا ہے۔

برطانوی خبر رساں ایجنسی کی نظر سے گزرنے والی یادداشت کے مطابق روسی فوج کے چیف آف اسٹاف والری گراسیموف نے 19 جولائی کو امریکا کے جوائنٹ چیف آف اسٹاف کمیٹی جنرل جوزف ڈینفورڈ کو بھیجے گئے پیغام میں مذکورہ تعاون کی تجویز پیش کی۔

روسی منصوبے کو واشنگٹن میں التفات کی نظر حاصل نہیں ہوئی۔ یادداشت میں کہا گیا ہے کہ امریکی پالیسی اس طرح کی کوششوں کو اُس صورت میں سپورٹ کر سکتی ہے جب کہ شام میں سات برسوں سے جاری خانہ جنگی کے خاتمے کے لیے کسی سیاسی حل تک پہنچا جائے۔ اس حل میں اقوام متحدہ کے زیر نگرانی انتخابات کا اجرا شامل ہے۔