.

شامی خاتون اول چھاتی کے سرطان میں مبتلا ہو گئیں

پہلی اشاعت: آخری اپ ڈیٹ:

شامی خاتون اول اسماء الاسد چھاتی کے سرطان میں مبتلا ہو گئیں۔ شامی ذرائع ابلاغ نے بدھ کے روز اس خبر کا انکشاف کرتے ہوئے بتایا کہ بشار الاسد کی اہلیہ کو چھاتی کے سرطان کا مرض لاحق ہو گیا ہے جس کے بعد اس موذی مرض کے پہلے درجے کا علاج شروع کر دیا گیا ہے۔

شام کی سرکاری خبر رساں ایجنسی کی جانب سے بیالیس سالہ اسماء الاسد کی مسکراتے چہرے والی تصاویر جاری کی گئی ہیں جس میں وہ شوہر کے پاس کسی ہسپتال میں کرسی پر بیٹھی ہیں اور ان کے بائیں ہاتھ پر کینولا لگا ہوا ہے۔

ادھر شامی صدر کے سرکاری انسٹاگرام اکاونٹ سے جاری کردہ بیان میں بتایا گیا ہے کہ "اسماء الاسد کے سینے میں سرطان کی تشخیص ہوئی ہے۔ مرض انتہائی ابتدائی مرحلے میں ہے اور اس کا علاج شروع کر دیا گیا ہے۔"

شامی خاتون اول بننے سے پہلے اسماء الاسد بینکنگ کے شعبے سے وابستہ تھیں۔ وہ لندن میں مقیم شامی والدین کے ہاں پیدا ہوئیں۔ بشار الاسد سے ان کی شادی سنہ 2000ء میں ہوئی۔