.

وڈیو : مسروقہ مال اور سامان تھامے بدقسمت چور کی زندگی نے وفا نہ کی

پہلی اشاعت: آخری اپ ڈیٹ:

مصر میں ایک ہیئر سیلون کے سکیورٹی کیمروں کی آنکھ نے افسوس ناک واقعہ محفوظ کر لیا جس کے دوران ایک چور سیلون کی رقم چُرا لینے کے بعد جب بیرونی دروازے کی جانب بڑھا تو باہر نکلنے سے پہلے ہی زمین پر گر کر طبعی موت مر گیا۔

دارالحکومت قاہرہ کے جنوب میں پولیس کو جمعرات کے روز اطلاع ملی کہ المعادی کے علاقے میں ایک ہیئر سیلون میں کسی متوفی کی میت موجود ہے۔ بعد ازاں معلوم ہوا کہ 48 سالہ اس شخص کا نام "عزّت" ہے۔ وہ بے روزگار تھا اور چیک باؤنس ہونے کے مقدمات میں اس کے خلاف 13 برس کی جیل کے احکامات جاری ہو چکے ہیں۔

دوسری جانب سکیورٹی کیمرے کی ریکارڈنگ کے تفصیلی جائزے سے معلوم ہوا کہ مذکورہ چور صبح دس بجے سیلون میں داخل ہوا۔ اس نے سیلون میں کام کرنے والے ورکروں جیسی وردی پہن رکھی تھی تا کہ راہ گیروں کو کسی قسم کا شک نہ پیدا ہو۔ وہ شیشے کے دروازے کے ذریعے سیلون میں داخل ہوا اور پھر اندر سے 15 ہزار مصری پاؤنڈز چُرائے اور سیلون کی بعض چیزوں اور سامان کو بڑی تھیلیوں میں رکھ لیا۔

کیمروں کی ریکارڈنگ سے یہ بات سامنے آئی کہ چور سیلون سے باہر آتے ہوئے گر کر فوت ہو گیا اور اس کی چرائی ہوئی چیزیں برابر میں پڑی رہ گئیں۔