.

جنرل عسیری کو ڈپٹی انٹیلی جنس چیف کے عہدے سے ہٹا دیا گیا

پہلی اشاعت: آخری اپ ڈیٹ:

سعودی عرب کی حکومت نے شاہی فرمان کے تحت جنرل انٹیلی جنس ادارے میں اہم تبدیلیاں کرتے ہوئے ادارے کے ڈپٹی چیف جنرل احمد عسیری کو ان کے عہدے سے ہٹا دیا ہے۔

العربیہ ڈاٹ نیٹ کے مطابق شاہی فرمان کے تحت کئی دوسرے عہدے داروں کو بھی بر طرف کر دیا گیا ہے۔

شاہی فرمان کے تحت شاہی دیوان کے مشیر سعود القحطانی بھی سبکدوش کردیے گئے ہیں۔ خادم الحرمین الشریفین شاہ سلمان کی طرف سے کابینہ، ولی عہد اور دیگر اہم اداروں کے سربراہوں کو جاری کردہ حکم نامے میں جنرل احمد بن حسن بن محمد عسیری کو ڈپٹی انٹیلی جنس کے منصب سے ہٹانے اور شاہی دیوان کے مشیر سعود بن عبداللہ القحطانی کو ان کے عہدے سے ہٹانے کے احکامات دیے گئے ہیں۔