غزہ کی سرحد پر اسرائیلی فوج کی فائرنگ سے فلسطینی لڑکا شہید

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

قابض اسرائیلی فوج نے فلسطین کے علاقے غزہ کی پٹی کی سرحد پر ایک فلسطینی لڑکے کو گولیاں مار کر شہید کردیا۔

العربیہ ڈاٹ نیٹ کے مطابق غزہ میں وزارت صحت کے ترجمان نے بتایا کہ مشرقی غزہ کی سرحد پر فلسطینیوں کی بڑی تعداد احتجاج کے لیے جمع تھی۔ اس دوران قابض فوج نے مظاہرین کو منتشر کرنے کے لیے ان پر طاقت کا استعمال کیا جس کے نتیجےمیں 17 سالہ منتصر محمد اسماعیل الباز شہید اور درجنوں افراد زخمی ہوگئے۔

محکمہ صحت کےترجمان ڈاکٹر اشرف القدرہ نے بتایا کہ منتصر الباز منگل کے روز مشرقی البریج میں اسرائیلی فوج کی گولیاں لگنے سے شدید زخمی ہوا۔ اسے علاج کے لیے الشفاء میڈیکل کمپلیکس میں لایا گیا جہاں وہ زخموں کی تاب نہ لاتے ہوئے دم توڑ گیا۔

ادھر دیر البلح کے مقام پر اسرائیلی فوج کی فائرنگ سے سات فلسطینی زخمی ہوگئے۔

مقبول خبریں اہم خبریں

مقبول خبریں