عرب اتحادی فوج نے سعودی عرب پر صعدہ سے بیلسٹک میزائل حملہ ناکام بنا دیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size

یمن میں آئینی حکومت کی بحالی کے لیے سرگرم عرب فوجی اتحاد نے یمن میں حوثی باغیوں کے بیلسٹک لانچنگ پیڈ پر بمباری کرکے مملکت کو دہشت گردی کی خطرناک سازش سے بچا لیا۔

العربیہ ڈاٹ نیٹ کے مطابق عرب اتحادی فوج کے ترجمان کرنل پایلٹ ترکی المالکی نے بتایا کہ حوثی باغی صعدہ گورنری میں الصفراء ڈاریکٹوریٹ سے سعودی عرب پر بیلسٹک میزائل داغنے کی کوشش کررہے تھے۔ عرب اتحادی فوج کو اس کا علم ہوا تو اس نے بروقت کارروائی کرکے سعودی عرب پر میزائل حملے سے قبل ہی بمباری سے حوثیوں کا لانچنگ پیڈ تباہ کردیا جس کے نتیجے میں سعودی عرب ایک بڑی تباہی سے بچ گیا۔

المالکی نے بتایا کہ حوثیوں کی جانب سے اپنے وفادار ذرائع ابلاغ کے ذریعے ایک سعودی فوجی کیمپ کو نشانہ بنانے کا بے بنیاد دعویٰ کیا ہے اور کہا ہے کہ ان کے حملے میں سعودی عرب کو جانی اور مالی نقصان پہنچایا گیا ہے۔ تاہم عرب اتحاد نے حوثیوں کے اس دعوے کو قطعی بے بنیاد قرار دیا ہے۔

مقبول خبریں اہم خبریں