مصر : حسنی مبارک معزول صدر مرسی کے مقدمے میں غیر حاضر

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

مصر کے سابق صدر حسنی مبارک اتوار کے روز جیلوں پر حملے سے متعلق اُس مقدمے کی سماعت میں حاضر نہیں ہوئے جس میں معزول صدر محمد مرسی اور الاخوان المسلمین کے دیگر 28 رہ نماؤں کے خلاف عدالتی کارروائی کی جا رہی ہے۔

حسنی مبارک کے وکیل فرید الدیب کے مطابق ان کے مؤکل کی غیر حاضری کا سبب یہ ہے کہ حسنی مبارک ابھی تک مصری فضائیہ کے ایئر مارشل ہیں لہذا مسلح افواج کی منظوری کے بغیر ان کی عدالت میں پیشی یا گواہی دینے سے متعلق اعلان نہیں کیا جانا چاہیے۔

دوسری جانب استغاثہ کا کہنا ہے کہ اس نے سرکاری طور پر نیشنل سکیورٹی سیکٹر کو نوٹیفکیشن کے ذریعے آگاہ کر دیا تھا کہ حسنی مبارک ایک شہری ہیں اور اب کسی بھی عسکری حیثیت کے حامل نہیں رہے۔ اسی وجہ سے ان کے نام کا اعلان بطور عسکری اہل کار نہیں بلکہ ایک شہری کے طور پر کیا گیا۔

یاد رہے کہ 2015ء میں قاہرہ کی فوجداری عدالت نے معزول صدر محمد مرسی، الاخوان کے رہبر عام محمد بدیع ، ان کے نائب رشاد البیومی اور تنظیم کے دیگر کئی رہ نماؤں کے خلاف پھانسی کی سزا سنائی تھی۔ تاہم بعد ازاں کورٹ آف کیسیشن نے ان فیصلوں کو منسوخ کر کے ان افراد کے خلاف از سر نو عدالتی کارروائی کا حکم دیا تھا۔

استغاثہ کی جانب سے مذکورہ شخصیات پر الزام عائد کیا گیا ہے کہ انہوں نے نومبر 2011 کے انقلاب کے دوران مصر کی مشرقی سرحد پر واقع جیلوں پر حملے کیے تا کہ وہاں پر قید اپنے رہ نماؤں کو فرار کروا سکیں۔ اس دوران متعدد فوجی افسران اور اہل کاروں کو ہلاک کر دیا گیا۔ کارروائی میں حزب اللہ، حماس اور ایرانی پاسداران انقلاب کے عناصر کی مدد حاصل رہی۔


مقبول خبریں اہم خبریں

مقبول خبریں