سعودی عرب میں اعلی ثانوی مرحلے کے لیے نیا نصاب

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

سعودی عرب کے وزیر تعلیم ڈاکٹر احمد العیسی نے مملکت میں اعلی ثانوی مرحلے کے نئے نصاب اور تعلیم سے متعلق جدید ترقیاتی منصوبوں کے بارے میں اعلان کیا۔

تعلیمی امور سے متعلق ایک کانفرنس سے خطاب کرتے ہوئے العیسی نے بتایا کہ اعلی ثانوی مرحلے کے نصاب میں نئی تبدیلیوں کا اعلان آئندہ چند روز میں کر دیا جائے گا۔

انہوں نے بتایا کہ Critical thinking کے حوالے سے نیا نصاب لایا جا رہا ہے جس میں اعلی ثانوی مرحلے میں فلسفے کے بنیادی اصولوں کو شامل کیا گیا ہے۔ علاوہ ازیں قانون کے بنیادی اصولوں کے حوالے سے نیا نصاب جلد متعارف کرایا جائے گا۔

ڈاکٹر العیسی نے واضح کیا کہ اعلی ثانوی مرحلے میں ٹکنالوجی کی مہارتوں کے استعمال کے حوالے سے نیا نصاب ہے۔ وزارت تعلیم نے اس وقت انٹرمیڈیٹ کے 100 اسکولوں میں ٹیکنیکل ورکشاپس کا آغاز کیا ہے۔ اس میں پروگرامنگ اور ڈیجیٹل مینوفیکچرنگ پر خصوصی توجہ مرکوز ہے۔

اس موقع پر سعودی وزیر تعلیم نے طلبہ اور طالبات کے لیے مزید مواقع پیدا کرنے میں ممکنہ طور پر مدد گار ثابت ہونے والی تجاویز یا منصوبوں کا خیر مقدم کیا۔ انہوں نے باور کرایا کہ ان کی وزارت ان تجاویز یا منصوبوں پر دھیان دے گی۔

دوسری جانب وزارت تعلیم نے اپنے ٹوئیٹر اکاؤنٹ پر مملکت کے ویژن 2030 پروگرام کے حوالے سے وزیر تعلیم کے اقدامات پر روشنی ڈالی ہے۔ ان میں خصوصی طور پر مستقبل کی مہارتوں پر توجہ دی گئی ہے تا کہ طلبہ آنے والے وقت میں اپنی ذمے داری کو پورا کر سکیں۔

مقبول خبریں اہم خبریں

مقبول خبریں