.

قطر صلح کی کوشش کے ساتھ مسلسل تکلیف بھی پہنچا رہا ہے:قرقاش

پہلی اشاعت: آخری اپ ڈیٹ:

متحدہ عرب امارات کے وزیر مملکت برائے خارجہ امور انور قرقاش نے کہا ہے کہ قطر ایک طرف صلح جوئی کی راہیں تلاش کررہا ہے اور دوسری طرف پڑوسی ملکوں کے خلاف نفرت پھیلانے اور انہیں مسلسل تکلیف دینے سے باز نہیں آ رہا ۔

"ٹوئٹر" پر پوسٹ کردہ ایک بیان میں انور قرقاش نے کہا کہ قطر دہرے معیار اور موقع پرستی کی پالیسی پر عمل پیرا ہے۔ اس کامظاہرہ الریاض میں حال ہی میں ہونے والی خلیج سربراہ کانفرنس میں بھی دیکھا گیا۔ قطر پڑوسیوں کو مسلسل تکلیف پہنچانے کی پالیسی پرعمل پیرا ہے اور ساتھ ہی ساتھ وہ صلح کے لیے بھی کوشش کرتا ہے۔

انہوں نے کہا کہ قطری حکومت پڑوسی ممالک کے ساتھ نفرت میں اپنے عوام کے مسائل اور ان کی ضروریات کو بھی نظر انداز کررہی ہے۔