بغداد : گرین زون میں امریکی سفارت خانے کے نزدیک راکٹ گرے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

عراق میں العربیہ کے نمائندے نے بتایا ہے کہ جمعرات کو علی الصبح دارالحکومت بغداد کے گرین زون میں امریکی سفارت خانے کے نزدیک زور دار دھماکے کی آواز سنے جانے کے بعد خطرے کے سائرن بجا دیے گئے۔ نمائندے کے مطابق یہ سائرن امریکی سفارت خانے کے قریب راکٹوں کے گرنے کے بعد بجائے گئے۔

یہ خبر امریکی صدر ڈونلڈ ٹرمپ کے اپنی اہلیہ میلانیا کے ساتھ عراق کے خفیہ اور غیر اعلانیہ دورے کی تکمیل اور روانگی کے کچھ دیر بعد آئی۔ ٹرمپ کا یہ دورہ ساڑھے تین گھنٹے جاری رہا۔

ٹرمپ کا طیارہ بدھ کی شام مقامی وقت کے مطابق 7:16 پر عراق کے مغربی صوبے انبار میں الاسد ایئر بیس پر اُترا۔ بعد ازاں امریکی صدر نے عسکری قیادت سے ملاقات کی اور امریکی فوجیوں سے بات چیت کی۔

امریکی صدر کے دورے کے خفیہ ہونے کے باوجود افغانستان میں امریکی فورسز میں کمی لانے اور شام سے فورسز کو مکمل طور پر واپس بلانے کے فیصلوں کے بعد ٹرمپ کے اس دورے کے بارے میں قیاس آرائیاں پھیل چکی تھیں۔

مقبول خبریں اہم خبریں

مقبول خبریں