یمن کے حوالے سے سویڈن معاہدہ دنیا کے سامنے حوثیوں کو رُسوا کر دے گا: قرقاش

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

متحدہ عرب امارات کے وزیر مملکت برائے خارجہ امور انور قرقاش کا کہنا ہے کہ یمن کے حوالے سے سویڈن معاہدے کی اچھی بات یہ ہے کہ یہ سمجھوتا حوثیوں کو عالمی برادری کے سامنے مکمل طور پر برہنہ کر کے ان کی شرم ناک کارروائیوں کا پول کھول رہا ہے۔

انہوں نے کہا کہ باغیوں کی جانب سے الحدیدہ اور اس کی بندرگاہ سے متعلق معاہدے کی خلاف ورزیوں کا سلسلہ سب کے سامنے ہے جو باغیوں کی پوزیشن اور موقف کو کمزور بنا رہا ہے۔

پیر کے روز اپنی سلسلہ وار ٹویٹس میں اماراتی وزیر مملکت نے کہا کہ یہ واضح طور نظر آ رہا ہے کہ حوثی باغی اس معاہدے کے حوالے سے جُل دینے کی کوشش کر رہے ہیں جو الحدیدہ شہر اور اس کی بندرگاہ سے باغیوں کے انخلا کو لازم کرتا ہے۔

قرقاش نے مزید کہا کہ حوثی ملیشیا کا الحدیدہ بندرگاہ سے انسانی امداد کے واسطے گزر گاہ کھولنے سے انکار کرنا، اس بات کی واضح دلیل ہے کہ یمن میں امدادی اور انسانی کارروائیوں میں رکاوٹیں کون کھڑی کر رہا ہے۔

مقبول خبریں اہم خبریں

مقبول خبریں