عراق : القائم میں کار بم دھماکا ، متعدد افراد ہلاک اور زخمی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

عراق میں سکیورٹی ذرائع نے جمعے کی صبح بتایا ہے کہ مغربی صوبے انبار میں القائم ضلعے میں ایک عوامی بازار کو گولہ بارود سے بھری گاڑی کے ذریعے دھماکے کا نشانہ بنایا گیا۔

عراقی وزارت داخلہ کے ترجمان میجر جنرل سعد معن کے مطابق دھماکے کے نتیجے میں ایک شخص ہلاک اور 16 افراد زخمی ہو گئے۔ زخمیوں میں 4 سکیورٹی اہل کار بھی شامل ہیں۔

ذرائع کا کہنا ہے کہ دھماکے میں اصل ہدف الحصیبہ بازار میں گشت کرنے والا ہنگامی فورس کا دستہ تھا۔

دھماکے کے بعد سکیورٹی فورسز نے جائے حادثہ کا گھیراؤ کر لیا اور زخمیوں کو ہسپتال منتقل کرنے کی کارروائی آسان بنانے میں مدد کی۔

یاد رہے کہ دسمبر 2015 میں عراق کے مغربی صوبے انبار کو داعش سے آزاد کرا لیے جانے کے بعد صوبے میں سکیورٹی کے حوالے سے صورت حال مستحکم دیکھی جا رہی تھی۔

مقبول خبریں اہم خبریں

مقبول خبریں