عرب اتحادی فوج کی صنعاء میں حوثی باغیوں کے ٹھکانوں پر شدید بمباری

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

سعودی عرب کی قیادت میں یمن میں آئینی حکومت کی بحالی کے لیے سرگرم عرب فوجی اتحاد کے جنگی طیاروں نے دارالحکومت صنعاء کےشمال مغرب میں حوثیوں کے ٹھکانوں پر شدید بمباری کی ہے جس کے نتیجے میں باغیوں کو غیرمعمولی نقصان پہنچا ہے۔

العربیہ چینل کے ذرائع کے مطابق صنعاء میں اتحادی طیارں نے ایرانی پاسداران انقلاب اور لبنانی حزب اللہ کے ٹھکانوں پر بھی بمباری کی جس کے نتیجے میں متعدد ٹھکانے تباہ ہوگئے۔

ذرائع کا کہنا ہے کہ عرب اتحادی فوج نے فرسٹ آرمڈ بریگیڈ اور حوثیوں کے تربیتی مرمز کو بمباری سے نشانہ بنایا۔
عرب اتحادی فوج نے الدیلمی کیمپ، الصیانہ کیمپ، الحفا، النھدین کیمپ اور صنعاء میں حوثیوں کے زیرکنٹرول ایوان صدر کو بھی نشانہ بنایا گیا۔

دارالحکومت کے شمالی علاقے الحصبہ میں دو فضائی حملے کیے گئے۔ عرب فوج کی جانب سے بمباری سے قبل شہریوں سے کہا گیا ہے کہ وہ حوثیوں کی تنصیبات سے دور رہیں۔

ادھر ذمار اور نھم کے مقامات پر بھی حوثیوں کے ٹھکانوں پر بمباری کی گئی۔

یمنی فوج کے ترجمان بریگیڈیئر عبدہ مجلی نےبتایا کہ مآرب میں الدیلمی فضائی اڈے پر بمباری کرکے اسے تباہ کردیا گیا ہے۔ اس کے علاوہ شہر میں حوثیوں کے کمانڈ اینڈکنٹرول سسٹم پر بھی بمباری کی گئی ہے۔

ترجمان کا کہنا تھا کہ حوثی باغیوں کےٹھکانوں پر بمباری کے ساتھ ساتھ سرکاری فوج نے متعدد مقامات پر اہم پیش قدمی بھی کی ہے۔

مقبول خبریں اہم خبریں

مقبول خبریں