.

یمن: حوثی ملیشیا نے زبید میں تاریخی اور نادر مخطوطے لوٹ لیے

پہلی اشاعت: آخری اپ ڈیٹ:

یمن میں مقامی ذرائع نے انکشاف کیا ہے کہ باغی حوثی ملیشیا نے اتوار کے روز زبید شہر کے تاریخی قلعے میں واقع کتب خانے سے تاریخی اور علمی مخطوطے اور کتابیں لوٹ لیں۔ ان میں میں بعض نادر نوعیت کا مواد بھی شامل ہے۔ زبید شہر یمن کے مغربی صوبے الحدیدہ میں واقع ہے۔

یمن کی سرکاری خبر رساں ایجنسی نے ذرائع کے حوالے سے بتایا ہے کہ حوثی ملیشیا نے تاریخی شہر زبید کی تہذیب اور تاریخ پر مشتمل کتابوں اور آثاریاتی مخطوطوں کو اپنے قبضے میں لے لیا۔ علاوزہ ازیں کتب خانے کا جنریٹر بھی لوٹ کر لے گئے۔

زبید شہر تیرہویں صدی عیسوی سے پندرہویں صدی عیسوی تک یمن کا دارالحکومت رہا۔ تاریخی اور آثاریاتی حوالے سے یہ بڑی اہمیت کا حامل ہے۔