عراق کے فضائی اڈے پر میزائل حملوں کی خطرناک سازش ناکام

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

عراق کے ذرائع ابلاغ نے سیکیورٹی حکام کے حوالے سے بتایا ہے کہ الانبار گورنری میں پولیس نے طویل فاصلے تک مار کرنے والے میزائل قبضے میں لے کر ملک کو بڑی تباہی سے بچا لیا۔ ذرائع کے مطابق یہ میزائل ملک کے مغرب میں واقع عین الاسد فضائی اڈے پر حملے کے لیے تیار کیے گئے تھے۔ اس اڈے میں امریکی فوج بھی موجود ہے۔

ذرائع نے پولیس کے حوالے سے بتایا کہ ہفتے کے روز الانبار گورنری کے نواحی علاقے میں تلاشی کے دوران حملے کے لیے تیار حالت میں میزائل ملے۔ یہ میزائل اس اڈے پر حملے کے لیے تیار کیے گئے تھے جس پر گذشتہ ماہ امریکی صدر نے عراق کے اچانک دورے کے دوران امریکی فوجیوں سے ملاقات کی تھی۔

ذرائع کا کہنا ہے کہ سیکیورٹی فورسز نے الانبار میں 68 بم ناکارہ بنائے اور داعش کی جانب سے چھوڑی گئی کئی خودکش جیکٹیں اور دیگر اسلحہ بھی قبضے میں‌ لے لیا۔

مقبول خبریں اہم خبریں

مقبول خبریں