نیتن یاہو اسی ماہ روسی صدر سے شام میں ایران کی فوجی سرگرمی پر مذاکرات کریں گے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
3 منٹس read

اسرائیلی وزیراعظم بنیامین نیتن یاہو نے کہا ہے کہ وہ اسی ماہ روسی صدر ولادی میر پوتین سے ماسکو میں ملاقات کریں گے اور ان سے شام میں ایران کی فوجی سرگرمی کے بارے میں بات چیت کریں گے۔

دونوں لیڈروں کے درمیان گذشتہ سال نومبر کے بعد یہ پہلی بالمشافہ ملاقات ہوگی ۔اس دوران میں جنوری میں اسرائیل نے شام میں متعدد فضائی حملے کیے ہیں اور یہ دعویٰ کیا ہے کہ اس کے لڑاکا طیاروں نے شام میں پاسداران انقلاب ایران کی تنصیبات کو نشانہ بنایا ہے۔

نیتن یاہو نے ایک بیان میں کہا ہے کہ ’’ میں 21 فروری کو روس جاؤ ں گا ۔اس سے پہلےمیں نے پیرس میں چند ماہ قبل صدر پوتین سے بات چیت کی تھی اور پھر ان سے فون پر بھی گفتگو ہوئی ہے‘‘۔

انھوں نے اپنے دفتر میں آسٹریا کے صدر الیگزینڈر وان ڈیر بیلن سے ملاقات سے قبل کہا :’’ یہ بہت اہم معاملہ ہے کہ ہم ایران کو شام میں پاؤں پھیلانے سے روکنے کے لیے کوششیں جاری رکھیں۔ میں روسی صدر سے دیگر موضوعات کے علاوہ اس پر تبادلہ خیال کروں گا بلکہ یہ ہماری گفتگو کا مرکزی موضوع ہوگا ‘‘۔

نیتن یاہو نے 29 جنوری کو مقبوضہ بیت المقدس میں روس کے دو سینیر عہدے داروں سے شام میں فوجی روابط جاری رکھنے کے بارے میں گفتگو کی تھی تاکہ کسی قسم کے ناخوشگوار واقعے سے بچا جاسکے ۔اسرائیلی وزیراعظم کے دفتر کے ایک بیان کے مطابق روس کے شام میں سفیر الیگزینڈر لیفرنتیف اور نائب وزیر خارجہ سرگئی ویرشنین سے ملاقات میں ایران اور شام کی صورت حال پر تبادلہ خیال کیا گیا تھا۔

مقبول خبریں اہم خبریں

مقبول خبریں