.

شام : عفرین میں دھماکا ، 4 ترک فوجیوں سمیت 25 افراد ہلاک

پہلی اشاعت: آخری اپ ڈیٹ:

شام میں العربیہ نیوز چینل کے نمائندے کے مطابق شمالی شہر عفرین میں جمعرات کے روز ہونے والے ایک دھماکے میں 25 افراد ہلاک اور 36 زخمی ہو گئے۔ ہلاک ہونے والوں میں 4 ترک فوجی بھی شامل ہیں۔

عفرین کی ایک مرکزی شاہراہ پر گولہ بارود سے بھری گاڑی پھٹنے سے چند گھنٹے قبل ترکی کی حمایت یافتہ پولیس کیڈٹس کی ایک پریڈ منعقد ہوئی تھی۔

جب سے ترکی نے عرب جنجگوؤں کی مدد سے واشنگٹن کے حمایت یافتہ کرد پیپلز پروٹیکشن یونٹس کو عفرین سے باہر نکالا ہے ،،، اس وقت سے علاقے میں کئی مرتبہ دھماکے دیکھنے میں آئے ہیں۔ شامی مسلح اپوزیشن ان دھماکوں کا الزام کرد پیپلز پروٹیکشن یونٹس پر عائد کرتی ہے۔

دوسری جانب ترکی کی سرحد کے نزدیک جرابلس شہر میں دو ذرائع نے بتایا ہے کہ غندورہ گاؤں میں گولہ بارود سے بھری گاڑی کو ناکارہ بنانے کے دوران ترکی کی حمایت یافتہ اپوزیشن کی ایک عرب جماعت کے کم از کم چار ارکان اپنی جانوں سے ہاتھ دھو بیٹھے۔